PCSO officials, maapelar kay Presidente Duterte nga ibalik ang ila gaming operations

By: Aine Grace Bravo | July 27, 2019

via PTV

Manila — I-apelar sang mga opisyal sang Philippine Charity Sweepstakes Office (PCSO) kay Presidente Rodrigo Duterte ang pagbalik sang tanan nga games.

Pahayag ini ni PCSO General Manager Royina Garma kasunod sang mandu ni Presidente Duterte kagab-i nga isuspender ang tanan nga gaming activities sang PCSO epektibu subong nga adlaw.

Sa mensahe nga ginpaguwa ni Garma, iya ginhambal nga tumanon nila ang mandu sang presidente.

Pero ila suno sa iya i-apelar sa presidente ang pagbalik sang operasyon agud base sa mandate sang PCSO kag interest sang ahensya, ila mga ahente kag benepisaryo.

Ginlaygayan man ang mga players nga may advance play tickets nga taguon lang ang tickets tubtob makapaguwa sila sang masunod nga notisya.