1 patay, 2 pilason sang na’hit and run’ sang truck ang motorsiklo nga ginasakyan sang mag-utod sa Dumangas

By: JoMaque | July 28, 2019, 10:13am
Via: Dumangas MPS

Dumangas, Iloilo— Isa patay kag duha pilason sang nabunggu-an sang wing van ang motorsiklo nga ginasakyan sang tatlo ka mag-ulutod sa Sulangan, Dumangas las 9:30 sang Hulyo 27 sang gab-i.

Nagasgasan sa lawas ang magulang nga si Niko Doronio, 19 residente sang nasambit nga barangay samtang may mga gasgas sa lawas kag pilas sa ilong ang iya 15-anyos nga manghod.

Dead on arrival naman sa Ramon Duremdes District Hospital ang 11-anyos nila nga manghod bangud sang patal nga pilas sa ulo.

Suno kay Police Master Sergeant Kim John Banzon, imbestigador sang Dumangas Municipal Police Station, nagaplastar na sang motorsiklo ang mag-utod agud magpauli sang nadalasa sang wing van.

Halin sa Bangga Balabag ang truck kag posible nga mapadulong sa pier suno kay Banzon.

Ginapatihan nga madasig ang padalagan sang truck bangUd nayudyod pa ang motor sang mag-utod kag nagtalabog gid ang biktima.

Gintuyo pa nga lagson ni Barangay Kagawad Micheal Deriquito ang truck apang wala gid naabtan matapos nga wala nagderetso sa pier. Nakuha sang kagawad ang plate number sang truck kag gin-report na sa police.

Nagpakig-angut na ang Dumangas Police sa mga police stations nga posible agyan sang van agud madakpan ang driver.

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %