May 23, 2022

Anay kandidato sa pagka-SB Member sa Hamtic, Antique, gintiro-patay sang riding-in-tandem sa San Jose, Antique

Read Time:50 Second

By: JoMaque | July 29, 2019, 10:02am
via Aksyon Angel Mae Ciudad

Antique — Patay ang anay kandidato sa pagka-Sangguniang Bayan Member sa Hamtic sang gintiro sang riding-in-tandem sa national highway sang Brgy. Maybato North, San Jose, Antique sang Hulyo 27.

Ginkilala ang biktima kay Bonny Sanchez, tumandok sang Hamtic, Antique, pero temporaryo nga nagatiner sa Brgy. Maybato Sur.

May indi magnubo sa anum ka pilas sang pagkatiro si Sanchez.

Suno kay Police Major Rowell Buccat, Deputy Chief of Police sang San Jose Antique Police Station, nagasakay si Sanchez sa iya motorsiklo pakadto sa Maybato Sur sang gintiro siya sang back rider sang nagasunod nga motorsiklo.

Lunsay nakasuksok sang itom nga jacket kag helmet ang riding-in-tandem suno kay Buccat.

Sa initial nga imbestigasyon sang San Jose police, personal issue ang motibo sa pagtiro-patay kay Sanchez.

Nagpadalagan sadtu sa pagka-SB Member si Sanchez sa ila lugar sa Hamtic sang May 2019 elections pero wala nagdaug.

Nagapadayon ang imbestigasyon sang kapulisan sa krimen.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Motorsiklo, nahulog sa kanal sa Cabatuan; Driver, patay
Next post 1 patay, 1 pilason sang natiruhan sa bilasyunan sa Dumangas; Suspek, wala pa makilala