May 21, 2022

19 pulis sa Pototan MPS, ginrekomendar sang PRO 6 nga ipaidalum sa Values and Leadership Training sa Subic matapos nadakpan ang 2 pulis nga naga-inom samtang on-duty kag nagpalupok pa sang pusil sang isa sa ila

Read Time:1 Minute, 27 Second

By: JoMaque | July 30, 2019, 10am

Iloilo City — Ginrekomendar ni Police Regional Office 6 Director Rene Pamuspusan sa Camp Crame ang pagpaidalum sa values and leadership training sang 19 ka mga pulis sa Pototan Municipal Police Station.

Ini matapos nadakpan ang 2 ka pulis nga naga-inom samtang on-duty kag pagpalupok pa sang pusil sang isa sa ila sang Hulyo 18.

Suno kay Pamuspusan, ini ang iya ‘drastic action’ kasunod sang insidente.

Nagapati si Pamuspusan nga paagi sa 45 diyas nga training, marealisar sang natungdan nga mga pulis ang ila responsibilidad nga mag-imponer sang disiplina kag magseguro nga ginasunod ang ila mga polisa.

Matandaan, ginpahayag ni Police Major Ronnie Brillo, hepe sang Pototan Police Station, nga ginsaway sang iban pa nga mga pulis kanday Patrolman Joerick Ace Ilisan kag Corporal Esil Peñarubia matapos nadakpan naga-inom samtang on-duty apang wala sila ginpamati-an.

Ginpasakaan na sang sampaw-sampaw nga kaso sa National Police Commission ni Brillo ang duha ka mga pulis.

“Nga-a sa Subic?”

Ginahulat sang PRO 6 ang sabat sang Directorate for Personnel and Records Management sa PRO 6 kasunod sang rekomendasyon ni Pamuspusan.

Ginpahayag naman sang police official nga sa Luzon nasentro ang pag-conduct sang amo nga training rason sa Subic ini ginahiwat.

Indi naman kabahin si Brillo sa ginrekomendar nga ipaidalum sa training.

Suno kay Pamuspusan, wala sa police station ang hepe sang nadakpan sang team halin sa PRO 6 kanday Ilisan kag Peñarubia nga naga-inom.

Sa impormasyon sang Aksyon Radyo Iloilo, 32 ang personnel sa Pototan Police Station, 7 sa ila ang sa detach service ukon nadeploy sa iban nga unit.

Ginakuhaan pa sang Aksyon Radyo Iloilo si Brillo kag ang natungdan nga mga pulis sang pahayag angut sini.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Senior citizen, patay matapos nalakip sa nasunog niya nga balay
Next post PRO 6 Director Rene Pamuspusan, nagmandu sa mga pulis nga dakpon ang mga involved sa ‘bookies’ kun liwat nga mag-operate