Local Civil Registrar, nagmandu sang imbestigasyon sa ginapahayag pagpanukot sang P8,000 nga bayad sa permit sa pagpakasal

By: JoMaque | July 30, 2019, 9:45am

ILOILO CITY — Imbestigaran sang Local Civil Registrar ang ginpahayag ni Mayor Jerry Treñas nga pagpanukot sang opisina sang 8,000 pesos para sa permit sa pagpakasal.

Suno kay Jose Pisuena Jr., Registration Officer III, nagalab- ot lang sa 300 pesos ang balayran sang mga residente sang syudad: 150 pesos para sa application for marriage, 50 pesos para sa marriage license kag 100 pesos kun magpakasal kay mayor.

Wala man sang reklamo nga nabaton ang opisina magluwas lang sa delay sang issuances.

Ginapasiguro ni Pisuena nga hatagan sang nagakaigo nga aksyon ang empleyado kun mapamatud- an nga nagapanukot sang sobra sobra.

GIN-AKIGAN NI MAYOR

Ginmandu sang Local Civil Registrar ang imbestigasyon matapos nalawagan ni Mayor Treñas ang opisina sa flag ceremony kaina sang aga.

Isa ang Local Civil Registrar sa apat ka opisina sa Iloilo City Hall nga gin-akigan sang alkalde bangud sa ginpahayag may anomaliya.

Lakip na dire ang City Engineer’s Office, CSWDO, kag Zoning Office.

Ang City Engineer kag Zoning Office suno sa alkalde ang mahinay mag-issue sang occupancy kag building permits;

Local City Civil Registrar nga ginapahayag nagapanukot sang 8,000 pesos para sa mayor’s permit sa pagpakasal;

Kag CSWDO angot sa issuance sang financial assistance.