Coun. Romel Duron, mahiwat sang public hearing agud hibaluon kun i- amend ukon i-repeal ang mga ordinansa nga nagapahanugot sang on-road parking, kun kinahanglan

By: JoMaque | July 31, 2019, 1:45pm
Via Aksyon Jeremae Ventar | Firingline

Iloilo City — Mahiwat sang public hearing si Councilor Romel Duron bwas agud mahibaluan kun dapat i-amend ukon bawion ang mga ordinansa nga nagapahanugot sang on-road parking, kun kinahanglan.

Ini kasunod sa mandu ni Presidente Rodrigo Duterte nga hawanan ang mga karsada sang obstructions kag i-revisit ang mga ordinansa agud mangin responsive sa mando.

Suno kay Duron, may mga lugar nga malapad man kag wala naga-obstruct sa traffic flow ang mga naga on-road parking.

Paathag sang konsehal nga ang obstruction suno sa iya ang mga naga-parking sa mga kitid nga dalan kag makatuga sang traffic congestion.

Kaina sang aga, nagsugod na sa paghawan ang Public Safety and Transportation Management Office (PSTMO) kag Anti-Squatting and Illegal Structures Unit (ASISU) sa pila ka dalanon sa siyudad.