May 24, 2022

Mga Badjao nga liwat nakita sa Iloilo City, plano nga pletehan kag papulion sa ila lugar suno sa Executive Assistant to the Mayor

Read Time:1 Minute, 4 Second

By: Aine Grace Bravo | July 31, 2019

via BBB

Iloilo City — Plano ni Executive Assistant to the Mayor Hector Alijano nga pletehan ang mga Badjao nga nagbalik sa siyudad sang Iloilo kag papulion sa ila mga lugar.

Suno kay Mr. Alijano may mandu na kay City Social Welfare and Development Office (CSWDO) focal person Marlon Martinez nga hibaluon ang ginatiniran sang mga Badjao sa siyudad kag kun pila sila ka bilog.

Kun matumod na kun diin sila nagapauli, may himuon nga one time, big time operation ang team nga bug-usan sang kapulisan, PSTMO kag CSWDO agud ma-rescue ang mga Badjao. Idul-ong sa ila lugar ang ma-rescue nga mga Badjao agud masiguro nga makapauli gid sila dugang pa ni Mr. Alijano.

Sa sini nga paagi, madugayan nga makabalik sa siyudad ang mga Badjao. Gin-aku ni Alijano nga indi malikawan ang posibilidad nga mabalik pa sila sa siyudad. Ang importante suno sa iya nga malawig pa ang tyempo antes sila makabalik kun mapapuli.

Madumduman nga ginpletehan man kag ginpapuli ang mga Badjao nga napang-rescue sang una, apang liwat sila nga nagbalik sa Iloilo.

Sang damlag lang liwat nakit-an nga may mga Badjao naman nga nagapangayo-kayo sa mga salakyan sa Buhang, Jaro kag sa Taft North, Mandurriao.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Coun. Romel Duron, mahiwat sang public hearing agud hibaluon kun i- amend ukon i-repeal ang mga ordinansa nga nagapahanugot sang on-road parking, kun kinahanglan
Next post (UPDATE) WVMC, ma-imbestigar sa pagkapatay sang 7-tuig nga bata nga babaye nga ginpahayag napabay-an sang doktor