(UPDATE) WVMC, ma-imbestigar sa pagkapatay sang 7-tuig nga bata nga babaye nga ginpahayag napabay-an sang doktor
By: Aine Grace Bravo | July 31, 2019
via Aksyon KhenJo Terco
Iloilo City — Imbestigaran sang Western Visayas Medical Center (WVMC) ang pagkapatay sang pito ka tuig nga bata nga babaye sa Sto. NiƱo Norte, Arevalo nga ginpahayag napabay-an sang doktor samtang ginabulong sa ospital.
Base sa ila ginpaguwa nga statement, wala ginapalampas sang ospital ang kapabayaan sang ila mga empleyado.
Ang resulta sang pagahimuon nga imbestigasyon ang mangin basehan sang disciplinary action nga igahatag sa natungdan doktor.
Nagapangayo sang paghangop ang management sang ospital.
Nagalab-ot man sila sang mensahe sang pagkasubo pamilya sang napatay nga bata.