May 24, 2022

Mga dalanon sa City Proper, dapat gin-una hawan sa mga obstructions — ICLAJODA

Read Time:1 Minute, 9 Second

By:JoMaque |August 1, 2019, 9:03am

Iloilo City — Nakahanda ang Iloilo City Loop Alliance of Jeepney Owners and Drivers Association (ICLAJODA) nga magbulig sa Public Safety and Transportation Management Office (PSTMO) sa ginahimo nga clearing operations sa mga obstructions sa karsada.

Ini ang ginpasalig ni ICLAJODA President Raymundo “Boyet” Parcon kasunod sang mandu ni Presidente Rodrigo Duterte nga hawanan ang mga public roads.

Suno kay Parcon, mas nakahibalo sila sa mga dalanon nga madamo sang obstructions bangud kada adlaw sila nga naga-biyahe.

Pero nagpabutyag siya nga wala sila ginpatawag sang PSTMO agud konsultahon antes ang clearing operations.

Gin-aku ni Parcon nga pila ka beses sila nga nagtawganay ni PSTMO Head Jeck Conlu nga magpangape agud istoryahan ini apang wala nagakadayon.

Indi kumpormi ang ICLAJODA sa tikang sang PSTMO nga gin-una sa paghawan ang mga karsada sa kabaranggayan.

Kuntani suno kay Parcon, gin-una ang dalanon sa City Proper nga gina-agyan sang halos tanan nga mga jeepney.

Gintumod nga problema ni Parcon ang mga naga-double parking sa kilid sang karsada, illegal structures kag mga naga-counter flow.

Pila sa mga lugar nga iya gintumod nga magutok bangud sa obstructions amo ang Infante, Tanza, Rizal Street, Valeria kag iban pa nga dalanon sa City Proper.

Sang Martes, nagsugod na ang PSTMO kag ASISU sa paghawan sa mga obstructions sa pila ka lugar sa siyudad.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post (UPDATE) WVMC, ma-imbestigar sa pagkapatay sang 7-tuig nga bata nga babaye nga ginpahayag napabay-an sang doktor
Next post Memo Circular sang DILG sa paghawan sang obstructions sa mga public roads, talakayon sa general assembly sang LMP-Iloilo chapter sa Agosto 2