Mga bar owners and operators, sundon ang 10 guidelines ni Mayor Treñas kasunod sa pagpabawi sang EO 146

By: JoMaque| August 3, 2019, 8:40am

ILOILO CITY — Madugay na nga ginahandom sang mga bar owners and operators ang pagbawi sang Executive Order nga mandatory closure sang mga establisyimento nga nagaserbe sang makahulubog nga ilimnon halin alas dos sa kaagahon.

Subong nga ginabawi na ni Mayor Jerry Trenas ang Executive Order, ginpahayag ni Smallville Business Association President Jim Velez nga makabawi na sila sang ila negosyo pagkatapos sang isa ka tuig kag tunga.

Suno kay Velez, 10 ka patakaran ang ila sundon: 
1. Dapat may security guards and bouncers ang kada establisyimento 
2. Ipatuman ang body frisking kag pag searching sang mga bags
3. Pagdumili sang pagserbe sang makahulubog nga limnon sa mga menor 
4. Pagdumili sa pag serbe sang makahulubog nga ilimnon sa mga “unruly customers”
5. Pag Blacklist sang mga trouble makers 
6. Pag implementar sang No smoking
7. No entry sa tanan nga active members sang military kag police
8. Pagsunod sang mando sang national govt 
9. Pagbutang sang CCTV cameras sa kada establisyimento
10. Kag pagpasirado gilayon sang establisyimento kun indi ma comply ang mga nasambit nga guidelines.

Ginpahayag ni Velez nga required sila nga sundon ang patakaran bangud nagpirma na sila sang manifesto.