EO nga nagabawi sang EO 146, ginpirmahan ni Mayor Treñas

By: Aine Grace Bravo | August 5, 2019

via: Aksyon Jeremae Ventar

Iloilo City — Ginpirmahan na ni Mayor Jerry Treñas ang Executive Order nga nagabawi sang EO 146 ukon mandatory closure sang mga establisemento nga nagaserbe sang makahulubog nga ilimnon halin alas dos sa kaagahon.

Ginplastar sa bag-o nga Executive Order ang mga guidelines agud maka-operate ang mga establisemento tubtob sa aga.

Pila sa mga requirements ang pagbutang sang mga CCTV cameras sa sulod kag guwa sang establisemento, pag-conduct sang body frisking kag search sang mga bags sang mga nagasulod; dapat may security guards ukon bouncers; ipatuman ang No Smoking Ordinance; pagdumili sa pagserbe sang makahulubog nga ilimnon sa mga menor-de-edad; pag-blacklist sang mga nagatuga sang gamo; pagdumili sang mga active members sang military kag police; kag pag-untat sa pagserbe sang ilimnon sa mga unruly customers.

Ang establisemento nga magalapas sa requirements sang EO ang gilayon nga pasiraduhan kag bawion ang business permit.