Former Mayor ‘Mansing’ Malabor, nagbilin nga i-cremate siya kag indi na pagdal-on sa city hall ang iya bangkay kun mapatay

by: JoMaque | August 7, 2019

ILOILO CITY — Nagbilin si former Mayor “Mansing” Malabor sa iya pamilya nga indi na pagdal-on sa City Hall ang iya bangkay bangud gusto niya ang simple nga hamyang.

Gusto man sang anay alkalde nga i-cremate kun mapatay.

Suno kay Councilor Mandrie Malabor, na-diagnose sang cancer sa pancreas ang iya amay sang Hunyo.

Sang Miyerkules, Hulyo 31, gindala sa Iloilo Doctor’s Hospital ang anay alkalde kag nahibaluan nga may pneumonia.

Sang Domingo, Agosto 4, 4:27 sa hapon, napatay ang anay alkalde.

Ginpahayag sang konsehal nga ihamyang sa ila balay sa South Fundidor, Molo ang anay alkalde.

Tentative schedule sang cremation sa Lunes, Agosto 12.