Wala na sang missing persons sa nagkulob nga 3 pumpboats sa Iloilo Strait; Casualties sa trahedya, naglab-ot sa 31 — DSWD

By: JoMaque | August 7, 2019

Iloilo City — Gintadlong sang inter-agency sa ila data angut sa numero sang missing persons kasunod sang pagkulob sang tatlo ka motor bangka sa Iloilo Strait sang Agosto 3.

Suno kay Social Welfare Officer 3 Rosalyn Patriarca, nalakip sa ila lista sang missing persons kanday Jay Gajo kag Ma. Granado apang nadiskubrehan nga wala naga-exist ang amo nga mga ngalan.

Sa validation sang pulis, nadiskubrehan nga Jay Gajo ang ginsulat nga ngalan sa manifesto ni Jonathan Magan.

Gin-check naman ang address ni Ma. Granado sa Brgy. San Nicholas, Buenavista, Guimaras apang ginkumpirmar sang mga barangay official nga wala sang amo nga pumuluyo sa ila barangay.

Sa ginreport nga lima ka missing persons sang inter-agency kahapon, Agosto 6, tatlo ang nasapwan kahapon sa baybayon sang Dumangas.

Gin-untat na ang search and retrieval operation bangud wala na sang missing person.