Approach sang Buyu-an Bridge sa Tigbauan, natiphag bangud sa sige-sige nga ulan

By: Aine Grace Bravo | August 8, 2019

via Aksyon Reports Afternoon Edition

Tigbauan, Iloilo — Natiphag ang approach sang Buyu-an Bridge sa Tigbauan bangud sa sige-sige nga pag-ulan.

Suno kay Mr. Rexfel Trivilegio, MDRRMO sang Tigbauan, gin-report ni Buyu-an Punong Barangay Warren Briones ang natabu mga las-dos kaina sang hapon.

Ginlaygayan ni Trivilegio ang mga nagalabay nga maghinay-hinay bangud nagkitid ang alagyan.

Nabutangan naman suno sa iya sang warning device ang area, pero gin-refer sang Tigbauan LGU ang problema para sa dugang nga measures.

Nagakabalaka naman si Trivilegio nga maglapad pa ang natiphag nga duta kon magsige-sige ang ulan.