ArchivesLokal

Bangkay sang 4 manunudlo nga nalakip sa Iloilo Strait Tragedy, gindala sa Lambunao National High School

By: Aine Grace Bravo | August 8, 2019

via FB

Lambunao, Iloilo — Gindala sa Lambunao National High School ang bangkay sang apat ka maestra nga lakip sa mga casualties sang nagkulob ang MB Jenny Vince sang Agosto 3.

Ginhamyang sa covered gym sang eskwelahan ang mga bangkay kag ginmisahan kaina sang aga nga gintambungan sang mga himata, abyan, estudyante kag mga maestra.

Magatiner tubtub buwas ang bangkay sang mga maestra.

May hiwaton man nga misa buwas sa eskuwelahan antes idul-ong sa ila tagsa ka balay ang mga maestra.

Nagatudlo sa nasambit nga eskwelahan ang apat ka napatay nga maestra nga sanday Ivy Grace Labordo, administrative assistant 2-Senior High School Department; Maam Emilie Legarda, Head Teacher, Filipino Department; Zenie Anilao, Teacher 1-Filipino; kag Lynlyn Janolino, Teacher 1-Filipino.