ArchivesLokalUncategorized

PDuterte, nagbisita sa hamyang sang 13 sa 31 ka napatay sa Iloilo Strait Tragedy sa Gegato-Abecia sa Iloilo City kag naghatag sang bulig pinansyal sa mga biktima

By: JoMaque | August 8, 2019

Iloilo City — Naghagan-hagan ang kasubo sang mga napatyan sa pagkulob sang tatlo ka pumpboats sa Iloilo Strait sa pagbisita ni Presidente Rodrigo Duterte sa hamyang sang 13 sa 31 ka napatay sa Gegato Abecia Chapel kagab-i, Agosto 7.

Naghatag sang cash kag cellphone ang presidente sa pamilya sang mga napatay kag dugang nga financial assistance sa mga survivors nga nagpadulong sa chapel.

Suno kay Mrs. Julie Java-Alejado, iloy sang isa sa mga napatay Jhairus James Alejado, duha ka tuig sang Mandurriao, naghambal ang presidente nga tawgan siya kon kinahanglan sang bulig.

Magluwas sa iya bata, napatay man sa pagkulob sang MB Chi-Chi ang iloy kag duha ka hinablos ni Mrs. Alejado.

Nagpasalamat man si Ma. Nievez Grandeza, isa sa mga survivors, sa pagbisita sang presidente.

Suno kay Grandeza, ginhambalan siya sang presidente nga magpakabakud.

Napatay naman sa pagkulob sang MB Jenny Vince ang palamanhon ni Grandeza kag ila tatlo ka tuig nga bata, kag pito pa ka pamilya sang iya palamanhon nga halin sa Cebu.

Leave a Reply