State of calamity, posible ideklarar sa Guimaras kon maglawig pa ang suspension sang biyahe sang mga pumpboats

By: JoMaque | August 8, 2019

Guimaras — Posible nga magdeklarar sang state of calamity ang probinsya sang Guimaras kon maglawig pa ang suspension sang biyahe sang mga pumpboats sa guimaras-iloilo nga ruta. 

Ini ang ginpabutyag ni Governor Samuel Gumarin kasunod sang trahedya sa Iloilo Strait nga nagbilin sa 31 ka patay.

Suno sa gobernador, ginatos ka mga pamilya sa transport sectors sa probinsya ang magutuman kon magapadayon ang kanselasyon sang biyahe sang pumpboats.        

Magluwas sa mga tag-iya kag crew sang pumpboats, madulaan man sang kita ang mga porters, nagapagawad sang tickets, subong man mga tricycle kag jeepney drivers kag operators. 

Sa pagbanta ni Gumarin, masobra 30,000 ka mga taga-Guimaras ang nagatabok sa Iloilo kada adlaw gani daku ini nga kadulaan sa ila sea-based kag land-based transport sectors.

Nagpasalig naman ang gobernador nga buligan ang nasambit nga transport sectors.