11 ka island barangays sa Concepcion, Iloilo, apektado sang habagat -Mayor Raul Banias

By: Aine Grace Bravo | August 10, 2019

via Aksyon Reports Afternoon Edition

Concepcion, Iloilo — 11 ka island barangays sa Concepcion, Iloilo ang apektado man sang malain nga tiempo dala sang habagat suno kay Mayor Raul Banias.

Ginabanta sa apat ka libo ka pamilya ang apektado gani nagpadala na sang food packs ang LGU.

Suno kay Banias, halin ang food packs sa DSWD 6 kag ginalauman nga maabot buwas ang dugang nga assistance halin sa provincial government.

Walo ka adlaw na suno sa alkalde nga wala nakalayag ang mga mangingisda kag indi man makakadto sa mainland ang mga residente agud magbakal sang pagkaun kag iban pa nga kinahanglan.

Gin-asikaso naman sang MDRRMC kag MSWDO ang mga na-stranded nga pasahero sa mainland nga mabiyahe kuntani sa mga island barangays.

Nagalaum si Mayor Banias nga mangin maayo na ang tiyempo kag ma-lift ang gale warning agud makabalik na sa normal ang sitwasyon.