Magulang, ginbuno-patay sang manghod sa Molo

By: JoMaque l Agosto 10, 2019, 10:27am

Iloilo City– Patay ang 61-anyos nga babaye matapos ginbuno sang iya manghod nga lalaki sa Calumpang, Molo kagab-i, August 9.

Gindala pa sa West Visayas State University Medical Center si alyas Ging-ging apang napatay bangud sa tatlo ka pilas sa lawas.

Na-aresto naman sang Molo Police ang suspek nga si alyas Totong, 52-anyos.

Ginpahayag nga naglisensiya man lang ang magulang nga magpauli sa ila balay sang hinali lang ginhandos sang kutsilyo sang manghod sa wala mahibaluan nga rason.

Suno kay alyas Myla, naga-inum-inum ang suspetsado kag ang iya bana antes natabu ang insidente.

Ginrason naman sang suspect nga aksidente lang nga nabuno niya ang magulang.

Suno kay Police Major Engelbert Banquillo, hepe sang Molo Police Station, may daan nga indi pag-intindihay ang duha may kaangtanan sa pag-custody sa ila iloy.