Caretaker sang duta, gintiro sa sulod sang iya balay samtang nagakatulog

By: JoMaque | August 12, 2019

Badiangan, Iloilo – Pilason ang 31-anyos nga lalaki sang gintiro samtang nagakatulog sa iya balay sa Brgy. Botong, Badiangan, sang Agosto 10 sang gab-i.

Suno kay Mr. Noel Talamor, nagakatulog siya sang hinali lang nakabati sang lupok kag nakita nga may yara na siya sang pilas sa tuo nga abaga.

Apang suno kay Police Lieutenant Ma. Doreen Losaria, Officer-in-charge sang Badiangan Municipal Police Station, posible nga accidental firing ang natabo bangud wala sang nakit-an nga gisi ukon buho ang moskitero nga ginagamit sang biktima.

Base sa initial investigation sang Badiangan police, 12-gauge ang gingamit sa pagtiro sa biktima

Dugang pa ni Losaria, nag-inum inom ang biktima upod sa iya mga pakaisa antes natabo ang insidente.

Confined sa Western Visayas Medical center ang biktima.