ArchivesLokalUncategorized

Driver sang motorsiklo patay matapos nalapakan sang Ceres bus sa Dumangas

By: JoMaque | August 12, 2019

Dumangas, Iloilo — Patay ang driver sang motorsiklo sang natapakan sang Ceres bus sa Barangay Balabag, Dumangas,alas 4:30 kahapon, Agosto 11.

Suno kay Police Senior Master Sergeant Kim John Banzon, imbestigador sang Dumangas Municipal Police Station, nag- overtake ang driver sang motorsiklo nga si Jun Martinez sang Cabatuan sa isa ka motorsiklo sang nadulaan siya sang kontrol sa manibela.

Natumba si Martinez kag nagtabog rason nalapakan sang pangulihi nga rueda sang Ceres bus nga na-una sa duha ka motorsiklo.

Gilayon gindala sa Don Jose Monfort Medical Center Extension sa Barotac Nuevo ang biktima pero pagkaligad sang pila ka oras, gindeklarar nga napatay.

Leave a Reply