Mga barangay officials sa City Proper, ginahingyo nga indi magpasaway kag magkooperar sa Oplan Hawan Karsada ‘One time, Big time’

By: JoMaque | August 12, 2019

ILOILO CITY — Mahiwat sang Oplan Hawan Karsada ‘One time, Big time’ subong nga adlaw ang mga barangay officials sa City Proper.

Suno kay Executive Assistant for Barangay Affairs Fernando Jose “Boyet” Rico, tanan nga barangay officials lakip na ang mga tanod ang gina-ekspektar nga magkuha sang mga illegal structures sa dalan kag sidewalk sa City Proper.

Ang PSTMO naman kag ang Barangay Affairs ang malibot agud buligan ang mga barangay officials nga indi makasarang sa pagkuha sang mga illegal structures.

Ginpahayag ni Rico nga i-schedule pa ang Oplan Hawan sa iban nga distrito.