Mga sakayanon nga na-stranded sa Parola Wharf, puwede na makatabok sa Guimaras
By: JoMaque | August 12, 2019, 9:20amĀ
Iloilo City — Base sa panugyan ni Coast Guard-Iloilo Acting Commander Erlinda Benliro, mahimo na nga makatabok pa-Guimaras ang mga tripulante sang pumpboats nga na-stranded sa Parola Wharf.
Mahimo sila makabalik sa Guimaras pero dapat wala sila sang pasahero nga karga kag dapat man nga may clearance sa coastguard.
Pero suspended gihapon ang biyahe sang mga pumpboats halin Iloilo City pa-Guimaras vice versa kasunod sang Iloilo Strait Tragedy sang Agosto 3.
Isa ka semana nga na-stranded sa Parola Wharf ang mga sakayanon bangud wala sila ginpasugtan nga makatabok bangud sang mabaskog nga hangin kag dalagku nga balod.
Sa latest forecast sang PAGASA kaina sang aga, wala na sang gale warning sa kadagatan sang Western Visayas.