Tricycle driver, patay sang nabungguan sang elf truck sa Dingle

By: JoMaque | August 12, 2019

Dingle, Iloilo — Patay ang driver sang tricycle sang nabungguan sang elf truck sa Barangay Tabugan sang Agosto 10.

Ginkilala ang driver kay Allan Lapido, 50 anyos sang Barangay Batuan, Dueñas nga may pilas sa ulo.

Suno kay Police Captain Fernando Punzalan, hepe sang Dingle Police Station, pareho nga pakadto sa syudad sang Iloilo ang tricycle nga ginamaneho ni Lapido kag ang elf truck nga ginamaneho naman ni Russel Bulaclac, 49 sang Poblacion Ivisan Capiz

Gulpi lang suno sa iya nga nagliko pawala ang tricycle rason nga wala nakapangaman ang driver sang truck.

Ginlikawan pa ni Bulaclac ang tricycle pero nalab-ot gihapon.

Preso sa Dingle Police Station ang driver sang elf truck.