BIYAHE SANG MGA PUMPBOATS HALIN ILOILO CITY PA-GUIMARAS VICE VERSA, BALIK NA SUGOD SUBONG NGA ADLAW — PCG

By: JoMaque | August 13, 2019, 9:25am
via Philippine Coast Guard-Iloilo

Iloilo City — Ginkumpirmar ni Philippine Coast Guard District Commander Allan Victor dela Vega nga puwede na makabiyahe sugod subong nga adlaw ang mga pumpboats halin Iloilo City pa-Guimaras vice versa.

May ginplastar naman nga mga kondisyon suno kay dela Vega nga dapat maayo ang panahon, 75% ang passenger capacity, kuhaon ukon lukuton ang mga trapal kag pasuksokon sang life jackets ang mga pasahero.

Ginkumpirmar man ni Guimaras Vice Governor John Edward Gando nga nagbalik ang biyahe sang mga pumpboats base sa advisory ni DOTr Sec. Arthur Tugade.

Nagapasalamat naman si Guimaras Governor Samuel Gumarin sa pag-resume sang biyahe sang mga pumpboats.