Lalaki, gintiro patay sa Dueñas; suspek, at-large

By: Aine Grace Bravo | August 13, 2019

via Aksyon Farrah Mae Morano

Dueñas, Iloilo — Patay ang laborer sang gintiro sa Barangay Batuan, Dueñas kaina sang kaagahon.

Ginkilala ang biktima kay Gerald Peñaflorida, 44 anyos. Suspek si Richard Magno, 40 anyos nga at-large.

Suno kay PMSg Jerome Emplasta sang Dueñas MPS, nagbaisay ang biktima kag suspek sa namatyan antes ang insidente.

Gindala pa si Peñaflorida sa Don Valerio Palmares District Hospital sa Passi City, pero gindeklarar nga dead-on-arrival bangud sang mga pilas sa lain-lain nga parte sang iya lawas.