Mayor Jerry Treñas, ginahatagan sang isa ka semana ang mga establisyemento nga nagaserbe sang makahulubog nga ilimnon nga magsunod sa guidelines sang EO 46

By: JoMaque | August 14, 2019, 8:34am

ILOILO CITY — Isa ka semana sugod subong nga adlaw ang ginhatag ni Mayor Jerry Treñas para pahibaluon ang mga establisyemento nga nagaserbe sang makahulubog nga ilimnon sa guidelines sang EO 46.

Base sa Executive Order, pila sa mga guidelines amu ang: (1) Pagbutang sang mga CCTVs sa sulod kag sa gwa sang establisyimento; (2) pag-conduct sang body search kag frisking sa mga bags sang mga nagasulod; (3) may security guards ukon bouncers ang mga establisyemento; (4) compliance sa no smoking ordinance; (5) pagserbe sang makahulubog nga ilimnon sa mga menor-de-edad; (6) pag-blacklist sa mga nagatuga sang gamo; (7) pagdumili sang mga active members sang military kag police; kag (8) pag-untat sa pag-serve sang ilimnon sa mga unruly customers.

Ang establisyemento nga malapas sa EO ang gilayon nga pasiraduhan kag bawion ang business permit.

Suno kay Treñas, ginamanduan niya ang BPLO kag Task Force on Moral Recovery para nga pahibaluon ang mga establisyemento sang EO.

Bisan pa nga base sa EO, effective immediately, ginpahayag ni Treñas nga pahibaluon anay ang mga establisyemento sang guidelines.

Ang EO 46 ang gin-isyu sang Agosto 5, 2019.