RB Trans nga nagabiyahe Iloilo-Jordan, Guimaras kag vice versa wala ginpahanugutan nga makalayag bangud sang violation sa guidelines sang MARINA

By: JoMaque | August 14, 2019 8:50am

Iloilo City— Wala ginpahanugutan sang Philippine Coast Guard nga makabiyahe liwat ang RB Trans nga nagabiyahe Jordan Guimaras – Iloilo kag vice versa matapos nakita nga wala nakasuksok sang life jacket ang mga pasahero sini antes pa man nakadungka sa Parola Wharf.

Suno kay Coast Guard Iloilo Station Commander, Capt. Erlinda Benliro, mga las 10 kaina sang aga nakit-an nga wala na sang ginasuksok nga life jacket ang mga pasahero sang sakayan.

Gin-issuehan sang MARINA Violation report ang kapitan sang pump boat, kag indi na sila pagpahanugutan pa nga makabiyahe tubtob nga ma-settle ang problema sa MARINA. Ma-issue man sang cancellation of Certificate of Public Convenience si Capt. Benliro.

Base sa memorandum guideline number 1 nga gin-issue sang MARINA nga naga-lift sa suspension sang biyahe sang mga sakayan, dapat nga nakasuksok sang life jacket ang mga pasahero sa tanan nga tion tubtob makadungka.

Panawagan sang Coast Guard sa mga pasahero nga dapat magsunod gid kun ano ang mga pagsulundan nga ginpatuman sang MARINA bangud mangin makaluluoy ang kapitan sang pump boat kun makit-an nga may violation.

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %