Sa Antique, lalaki patay sang gintiro sang iya manak

By: Aine Grace Bravo | August 14, 2019

via Aksyon Angel Mae Ciudad

Antique — Patay si Mesael Sabordo, 42 sang Bugasong, Antique, sang gintiro sang iya manak nga si Nathaniel Sareño, 18 anyos.

Suno kay PSSg Sandy Bangcaya sang Bugasong MPS, may kalain sang buot si Sareño sa iya stepfather.

Ginpahayag sang live-in partner sang biktima nga sang Agosto 9, gin-tirador ni Sareño ang mga manok nga ginahuptan ni Sabordo rason nga iya ginsaway.

Sang Agosto 12, nagpangayo pa sang pasensya ang manak sa iya stepfather, pero sang nagtalikod na si Sabordo, gulpi lang siya gintiro ni Sareño gamit ang homemade shotgun.

May pilas sa wala nga parte sang lawas kag wala nga tiil si Sabordo.

At-large ang suspetsado.