Lalaki, gintiro sang iya kaupod sa ilimnan sa Cabatuan, na-ospital

By: Aine Grace Bravo | August 15, 2019

via Aksyon Jeremy Brian Valle

Cabatuan, Iloilo — Pilason ang 36-anyos nga lalaki matapus gintiro sang iya upod sa pag-inum-inom alas 11:00 kagab-i, Agosto 14, sa Brgy. Baluyan, Cabatuan.

Ginkilala ang biktima kay Joricar Jamili residente sang nasambit nga barangay.

Suno kay Jamili, naga-inom sila sa kamalig nga ginapanag-iyahan ni Nonito Gancia kaupod sanday Niel Quimpas kag Lito Quimpas.

Dugang pa ni Jamili, may nagluntad nga pagbaisay sa ila rason nga gintiro siya.

Base sa imbestigasyon sang Cabatuan Police, si Niel Quimpas ang nagtiro sa biktima gamit ang wala pa na-identify nga kalibre sang pusil.

Napilasan sa wala nga portion sang dughan ang biktima kag gilayon gindala sa Ramon Tabiana Memorial District Hospital tubtob gin-refer sa WVMC hospital sa Mandurriao.

Padayon pa ang imbestigasyon sang Cabatuan police sa insidente.