Lalaki sa Barotac Viejo, gintiro patay sang jail officer 1

By: Aine Grace Bravo | August 15, 2019

via Aksyon Francisco Enar

Barotac Viejo, Iloilo — Napatay samtang ginabulong sa ospital si Ernesto Pescado Jr, 49 anyos sang Brgy. Vista Alegre, Barotac Viejo matapos gintiro ni Jail Officer 1 Ryan Tupas, 35 anyos sang Sitio Baclayan, Brgy. San Juan, Barotac Viejo kag assign sa BJMP-Barotac Viejo.

Suno kay Police Major Ciriaco Esquilarga, hepe sang Barotac Viejo Police Station, posible na-tripingan sang suspek ang biktima bangud wala man sang pagbaisay ukon inaway nga natabu antes ang insidente.

Napilasan sa dughan kag likod ang biktima.

Gintuyo man tiruhon ni Tupas si Jay Unabia, 26 anyos sang Brgy. Poblacion, Btac. Viejo, nga nobyo sang bata ni Pescador pero wala naglupok ang pusil.

Na-recover sa lugar sang insidente ang duha ka baseyo sang .45 kalibre nga pusil.

Nadakpan si JO1 Tupas kag napasakaan na sang kaso nga murder kag frustrated murder.