BJMP 6, nagsugod na sa pag-imbestigar sa Jail Officer 1 nga nakatiro-patay sa Barotac Viejo

By: JoMaque | August 17, 2019, 11:40am

Iloilo — Nagsugod na ang imbestigasyon sang Bureau of Jail Management and Penology 6 kay Jail Officer 1 Ryan Tupas sang Sitio Baclayan, Brgy. San Juan, Barotac Viejo nga nakatiro patay sang Agosto 14 sang gab-i.

 Suno kay Senior Jail Officer 3 Leo Laserna, Chief sang Investigation and Prosecution Division sang BJMP 6, nagkadto siya sa Barotac Viejo kahapon sang aga agud magtipon sang mga ebidensya kag makig-angut sa police kag pamilya sang biktima nga si Ernesto Pescador Jr, 49 sang Brgy. Vista Alegre, Barotac Viejo.

Sa inisyal nga pagpangusisa ni Laserna, wala sang duty si JO1 Tupas kag nakainom ini sang natabu ang insidente.

I-rekomendar ni Laserna nga ipa-idalum sa preventive suspension si Tupas kag disarmahan.        

Preso si Tupas sa Barotac Viejo Police Station matapos ginpasakaan na sang kaso kahapon, Agosto 16.