Passenger-cargo vessel nga may ruta Iloilo- Jordan, Guimaras, nagsugod biyahe subong nga hapon

By: Aine Grace Bravo | August 17, 2019

via Aksyon Hotline

Iloilo City — Nag-abot na ang passenger ship sang Atlantis Yohan Express Corp, (AYEC), ang MV Yohan Green, para magserbisyo sa mga pasahero sa Iloilo-Guimaras shipping route.

Ang MV Yohan Green isa ka 170 gross tonnage (GT) nga barko nga may 270 ka passenger capacity.

Las-5:25 kaina sang hapon, naghalin sa Port of Iloilo sa Fort San Pedro, ang barko kag nag-abot sa Jordan, Guimaras alas-5:30 sang hapon.

Tag-P50 ang promo fare.

Tubtob las otso sa gab-i ang biyahe sang MV Yohan pakadto sa Jordan kag may lima ka trips kada adlaw.

Buwas sa aga, ginalauman nga maga-abot ang isa pa ka passenger ship sang AYEC, ang MV Yohan Cruisser para magserbisyo naman sa mga pasahero sa Iloilo-Buenavista, Guimaras shipping route.

Ang MV Yohan Cruisser naman isa ka 162 GT nga barko nga may 300 ka passenger capacity.