Lalaki, gintiro patay sa Estancia; Suspek, nag-surrender

By: JoMaque | August 18, 2019, 10:30am (Updated as of 10am, August 19)
via AM Reports

Iloilo — Patay ang 38 anyos nga lalaki sang gintiro sa Brgy. Tacbuyan, Estancia mga las 9 kagab-i.

Ginkilala ang biktima kay Dave Beria sang amu man nga lugar nga gindala pa sa ospital apang napatay bangud sang pilas sa dughan.

Suspek si Leo Derder, 27 anyos sang amu man nga barangay.

Suno kay Police Major Rene Obregon, hepe sang Estancia Police Station, may daan nga hiligut-anon ang suspek kag biktima.

Nag-surrender man si Derder kahapon sang aga matapos nagpangayo sang bulig sa iya abyan.