11 miyembro sang pamilya sa Jaro, ginpahayag nga gin-possess sang malain nga espiritu

By: Aine Grace Bravo | August 19, 2019

via BBB

Iloilo City — Wala untat ang pangamuyo kag pagkanta sang religious songs sa balay sang mga Lentorio sa Tacas, Jaro sang naabtan sang Aksyon Radyo news team.

Ginpahayag gin-possess sang malain nga espiritu ang 11 ka miembro sang pamilya.

Suno kay Mrs. Glena Lentorio Jaranilla, una nga gin-posses ang iya amay nga si Kanor sang Martes sang nagligad nga semana.

Nagsunud-sunod suno sa iya ang possession sa iban pa nga miembro sang pamilya.

Gindala man ang magpamilya sa simbahan sa Cubay, Jaro kag ginpangamuyuan.

Nag-ayo suno sa iya ang pamatyagan sang magpamilya matapos ang pagpangamuyo sa ila pero nagbalik subong nga semana.

Ginpahayag pa ni Glena nga kaina lang may nakita siya nga tawo nga may sungay nga gusto magsulod sa ila balay pero bangud sang mga nagapangamuyo wala ini nagdayon.

Maayu-ayo na suno kay Glena ang pamatyagan sang iya mga himata.