ArchivesLokal

60 adlaw, kulang agud hawanan ang public roads sa mga obstructions –Iloilo City Mayor Treñas

By: Aine Grace Bravo | August 19, 2019

via Aksyon Jeremae Ventar

Iloilo City — Kulang ang 60 ka adlaw agud hawanan ang mga public roads sang obstructions.

Pahayag ini ni Mayor Jerry Treñas sa flag ceremony kaina sang aga.

Naghingyo si Treñas sa pumuluyo nga magkooperar sa clearing operations agud matapos sang syudad sa sulod sang 60 ka adlaw nga ginhatag ni DILG Secretary Eduardo Año.

Dapat makuhaan sang litrato ang area pagkatapos sang pagpanghawan agud mahibaluan kon sin-o ang nagabalik.

Kon padayon ang pagbalik sang mga naga-obstruct, dapat suno kay Treñas nga pahibaluon ang DILG agud mapapanaugan sang sanction ang punong barangay.

Sapulon ni Treñas ang clearing team nga ginabug-usan sang Public Safety and Transportation Management Office, Anti-Squatting and Illegal Structure Unit kag Office of the Barangay Affairs agud ma-istoryahan ang dugang nga mga himuon.