May 21, 2022

Jail Officer nga nakatiro-patay sa Barotac Viejo, nakapiyansa bisan ginpasakaan sang kaso nga murder kag attemped murder

Read Time:1 Minute, 16 Second

By: JoMaque | August 19, 2019, 12:20pm

Barotac Viejo, Iloilo (UPDATE) — Nakaguwa sa presuhan ang jail officer nga nakatiro-patay sa Barangay Poblacion sa pihak sang ginpasaka nga murder kag attempted murder nga mga kaso batuk sa iya.

Suno kay Police Major Ceriaco Esquilarga, hepe sang Barotac Viejo Police Station, may ginpadala nga release order ang Branch 66 sang Regional Trial Court para sa suspect nga si Jail Officer 1 Ryan Tupas sang Agosto 16.

Nabaton ang release order kapin anum ka oras matapos ginfile sa Iloilo Provincial Prosecutor’s Office ang mga kaso batuk kay Tupas.

P120,000 ang ginpyansa ni Tupas para sa homicide.

Posible nahulog sa homicide ang ginpasaka nga murder rason nakapyansa ang suspect suno sa pulis.

Gindala pa sa ospital ang biktima nga si Ernesto Pescador Jr apang napatay bangud sang pilas sa dughan kag tuo nga parte sang iya likod.

Suno kay Tupas, papauli na siya sang hinali lang siya ginsaruso sang mga biktima. Baliskad naman ini sa pahayag ni Jay Unabia, ang nobyo sang bata ni Pescador. Suno kay Unabia, nagahulat sa iya si Pescador sang nagpalapit ang naka-inom nga si Tupas kag gintiro ang biktima. Dugang ni Unabia, ginpitkan man siya ni Tupas samtang gina-alay-ay niya si Pescador, pero wala naglupok ang pusil.

Tripping ang ginasundan nga motibo sang pulis sa krimen.

Una na ginkunfirmar ni SJO3 Leo Laserna, head sang Investigation and Prosecution Division sa BJMP 6, nga ginpasakaan man sang kaso kriminal kag administratibo sadto si Tupas angut man sa pagpangluthang.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Petition sang MORE Power para sa Writ of Possession sa assets sang PECO, gin-grant sang RTC-Iloilo
Next post Senior citizen, nakuryente patay sa Lemery