Pag-grant sang korte sa application sang MORE sa issuance sang writ of possession sang PECO, wala basehan, illegal kag unconstitutional – PECO lawyer

By: Aine Grace Bravo | August 19, 2019

via Aksyon Jeremae Ventar

Iloilo City — “Kami po ay nanalo na. Sila ay umapela, hindi pa po sila pinapaboran ng Korte Suprema. Kami po ang may possession ng assets na pag aari ng PECO. Sila dapat ang magtumbling para pilitin na kamkamin ang assets (ng PECO).”

Ini ang reaksyon ni Atty Estrella Elamparo, abogado sang Panay Electric Company, sa interlocutory order ni Hon. Judge Yvette Go sang Branch 37 sang Iloilo RTC nga naga-grant sa petition for writ of possession sang MORE Electric and Power Corp. agud maka-take over sa assets sang PECO.

Ginpahayag ni Atty. Elamparo nga wala basehan, illegal kag unconstitutional ang order.

Suno kay Elamparo, nauna na nga gindesisyunan sang Mandaluyong RTC nga unconstitutional ang sections 10 kag 17 sang RA 11212 nga nagahatag sang poder sa MORE nga i-expropriate ang mga assets sang PECO.

Nangayo sang Temporary Restraining Order sa Supreme Court ang MORE agud indi pag-i-implementar ang desisyon sang Mandaluyong RTC, apang wala pa ini gin-grant suno kay Elamparo.

May permanent injunction naman ang PECO para pauntaton ang MORE sa anuman nga aksyon sa pag-expropriate.

Ginpahayag ni Elamparo nga nakibot sila sa pagpahanugot sa Writ of Possession bangud makabig ini nga pagbastos sa Supreme Court.

Wala naman sang legal actions nga himuon ang PECO bangud wala nila gina-konsiderar ang order sang Iloilo RTC.