Senior citizen, nakuryente patay sa Lemery

By: JoMaque | August 19, 2019, 12:23pm

Lemery, Iloilo— Patay ang senior citizen nga babaye matapos nakuryente sang ginpaandar niya ang electric water pump sa Sitio Binughan, Brgy. Sincua, Lemery, Iloilo las 9:00 sang gab-i sang Agosto 17.

Suno kay Police Captain Marvin Buenavista, hepe sang Lemery Municipal Police Station, ginpa-andar ni Elsa Sualog, 68-anyos, ang electric water pump para magtubod ang tubig apang nakuryente siya bangud sang open wire.

Wala gilayon nadala sa ospital si Sualog bangud sa kalayuon sang ila barangay sa poblacion sa Lemery.