May 24, 2022

10% sang mga naga-obstruct sa dalan, nagbalik — ASIS-U

Read Time:1 Minute, 0 Second

By: Aine Grace Bravo | August 20, 2019

via Aksyon KhenJo Terco

Iloilo City — May 10% nga mga naga-obstruct sa dalan ang nagbalik sa mga lugar nga natapos na operate sang clearing team sang City Government.

Suno kay Task Force Anti-Squatting and Illegal Structure Unit (ASISU) head Lovejoy Hosenilla, nakit-an sa paglibot sang clearing team kahapon nga may mga nagbalik nga mga nagapwesto sang lamesa kag bangko sa higad sang karsada kag nagabaligya.

Ginpangkuha ang mga ini agud nga indi na liwat makabalik pa suno kay Hosenilla.

Gin-aku man niya nga may 20% pa nga obstruction sa City Proper area nga wala pa natapos panghawan.

Lakip dire ang Day Care Center kag Barangay Hall sang Barangay Gloria, kag Barangay Hall sang Barangay Nonoy nga nagalaksam sa karsada.

Dapat mapangguba na ang mga ini antes ang Lunes.

Target naman sang team nga i-operate ang Baluarte padulong sa Sta. Cruz, Arevalo antes matapos ang Agosto.

Gin-aku ni Hosenilla nga indi basta-basta matapos ang nasambit nga area sa isa lang ka adlaw nga operation.

Tapuson pa sang team ang pag-operate sa Lapaz kag Jaro area, para full-force ang pag-clear padulong sa Arevalo.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post PSTMO head Jeck Conlu, kumporme nga kulang ang 60 ka adlaw agud hawanan ang mga dalanon
Next post Incoming IPPO Director, nag-courtesy call kay Governor Arthur Defensor Jr