16 nga dalagita sa San Enrique, nag-suicide
By: Aine Grace Bravo | August 20, 2019
via Aksyon Francis Basco/Angel Mae Ciudad
San Enrique, Iloilo — Patay na sang nasapwan sang iya mga himata ang 16-anyos nga dalagita sa San Enrique pasado las 10 kaina sang aga.
Ulihi nga nakit-an ang dalagita las otso sang aga nga may ginasulat sa papel.
Gintawag ang dalagita para magpamahaw, pero wala na nagasabat kabangdanan ginkadtuan sang iya lolo kag siya nakita nga nagabitay gamit ang kable sang kuryente.
Naglagaw pa ang dalagita kagab-i upod sa mga kaabyanan kag nakamuno siya nga gusto niya magpanginmatay.
Sa posts sa Facebook, nagpatimaan man ang dalagita nga gusto niya tapuson ang iya kabuhi.
Problema sa pamilya ang ginpahayag rason sang pag-suicide sang dalagita.
May ginbilin man nga suicide note ang dalagita para sa iya nobyo kag pamilya suno pa sa iya lolo.
Sa Manila ang ginikanan kag mga utod sang dalagita. Nagdaku naman sa iya lolo kag lola ang dalagita.