Liquor Licensing and Regulatory Council Ordinance kag EO 46, wala sang conflikto suno kay Councilor Jay Treñas

By: Aine Grace Bravo | August 21, 2019

via Aksyon Jeremae Ventar

Iloilo City — Nagpanindugan si Councilor Jay Treñas nga wala sang conflicto sa Liquor Licensing and Regulatory Council Ordinance kag executive order 46 ni Mayor Jerry Treñas nga nagabawi sang liqour ban.

Suno sa konsehal, katuyuan sang ordinansa nga magprovide sang data base ang mga nagabaligya sang makahulubog nga ilimnon.

Tintuyo man sini nga i-regulate ang mga business establishments nga nagabaligya sang makahulubog nga ilimnon ilabe na ang mga malapit sa eskwelahan.

Wala na-implementar suno kay Treñas ang ordinansa umpisa nga ginpasar.

Nag-privilege speech ang konsehal kasunod nga nabun-an patay ang iya staff sa La Paz sang Lunes sang gab-i.

Kahapon, Agosto 20, nagpasar sang resolution ang city council nga dapat istriktuhon ang pag-implementar sang nasambit nga ordinansa.

Gin-hingyu man ni Treñas ang koordinasyon sang kapulisan kag kabaranggayan agud mabuhinan ang insidente nga kahimuan sang mga naka-inom.