Mga kapitan sa coastal barangays sang Molo kag Arevalo, ginhingyo nga magsapol agud istoryahan ang problema sang mga naga-inaway nga pamatan-on

By: Aine Grace Bravo | August 21, 2019

via Aksyon Hotline

Iloilo City — Gina-proponer ni San Juan, Molo Punong Barangay Pascual Espinosa nga magsapol ang mga punong barangay sang mga coastal barangays halin sa Molo padulong sa Arevalo agud ma-istoryahan ang problema  sa mga naga-inaway nga mga pamatan-on.

Suno kay Espinosa mas makapaayo kon makadihon sila sang solusyon sa amo nga problema.

Pero sa ila barangay amat-amat na nila natumod ang mga grupo nga involved sa kinagamo.

Ginbuyagyag sang kapitan nga may mga gangs ang mga pamatan-on nga naga-intra sa gamo. Sa pagkamatuod nakuha nila ang pangalan sang mga gangs kag mga miembro.

Ang iban sa mga miembro ang na-istorya na nila lakip ang mga ginikanan.

Ginpahanumdom man ni Espinosa sa mga ginikanan nga may salabton sila kon madakpan ang ila kabataan nga nagalapas sa curfew for minors.