Empleyado sa MDRRMO Pandan, Antique, patay sang nalumos sa suba

By: Aine Grace Bravo | August 22, 2019

via Aksyon Jeremy Brian Valle

Antique — Patay ang personnel sang Municipal Disaster Risk Reduction and Management Office sang Pandan, Antique matapos nalumos sa suba sa Brgy. Guia, Pandan las 7:19 kagab-i.

Suno kay Police Staff Sergeant Arnel De los Santos, Imbestigador sang Pandan Municipal Police Station, antes nalumos, nag-inom si Marlon Garson sang Brgy. Talisay, Pandan sa resort upod sa iya mga co-workers.

Naglisensya si Garson nga magpanghugas sang iya kamot sa suba pero wala na siya nakabalik.

Natingala ang mga upod ni Garson kag sang ila ginpangita, nasapwan na nga naga utaw-utaw sa suba ang lalaki.

Gindala sa ospital si Garson apang gindeklarar nga dead on arrival.