Mga establisemento nga nagaserbe sang makahulubog nga ilimnon, generally-compliant sa EO 46 – BPLO

By: Aine Grace Bravo | August 23, 2019

via Aksyon Jeremae Ventar

Iloilo City — Generally compliant sa Executive Order 46 ang mga establisemento nga nagaserbe sang makahulubog nga ilimnon.

Suno kay Business Permits and Licensing Office (BPLO) Head Norman Tabud, naghiwat sang random inspection ang team sa Smallville Complex, Gaisano Timesquare kag Paseo de Archangeles.

Ginpahayag ni Tabud nga may mga establisemento nga ginhatagan sang inspection report nga dapat mag-comply sa sulod sang 24 ka oras sang ila deficiency.

Pila sa mga deficiency ang indi maayo nga kalidad sang CCTV camera kag sala nga position sang CCTV camera.

Suno kay Tabud, justifiable pa man ang nasambit nga deficiencies rason nga indi pag-i-rekomendar nga pasiraduhan.

Nagpa-andam naman si Tabud nga i-rekomendar niya ang pag-revoke sa business permit sang establisemento nga nagapahanugot sang pagpanigarilyo.