STL operator sa Iloilo province, posible mag-untat sang operasyon

By: Aine Grace Bravo | August 23, 2019

via Firingline

Iloilo — Mabudlayan ang Red Subay Gaming Corporation sa pagsunod sa mga kondisyon nga ginplastar sang Philippine Charity Sweepstakes Office agud liwat nga makabalik operate ang authorized STL agent sa probinsya.

Gin-ako ini ni Iloilo City Councilor Atty. Romel Duron, abogado sang Red Subay, kasunod sang announcement ni PCSO General Manager Royina Garma kagab-i nga ginbawi na ni Presidente Rodrigo Duterte ang suspension sang STL operations.

Suno kay Duron, kon indi pagpanubuan ang Presumptive Monthly Retail Receipt sang Red Subay nga P111 million, posible ma-untat na lang ini sa pag-operate.

Ginbuyagyag ni Duron nga antes gin-untat ni PDuterte ang STL operations sang Hunyo, short pa sila sa pag-remit sang PMRR.

Isa sa mga kondisyon agud liwat maka-operate ang STL operator amo ang pag-deposit sang authorized agent corporations sang cash bond nga equivalent sa tatlo ka bulan nga PMRR.