Suspension sa STL operations, ginbawi ni PDuterte pero may mga kondisyon – PCSO

By: Aine Grace Bravo | August 23, 2019

via PCSO

Manila — Ginbawi na ni Presidente Rodrigo Duterte ang suspension sa operasyon sang small town lottery ukon STL, pero may mga kondisyon nga ginplastar.

Suno kay Philippine Charity Sweepstakes Office General Manager Royina Garma sa iya Facebook Live post kagab-i, pwede na makabalik sa operasyon ang otorisado nga STL agent corporations nga compliant sa ila agency agreements kag naka-remit sang

guaranteed minimum monthly retail receipts kon masunod ang mga kondisyon.

Dapat nga nakadeposito ang authorized agency corporations ukon AACs sang cash bond sa PCSO nga equivalent sang tatlo ka bulan nga presumptive monthly retail receipt magluwas sa ila naga-egsister nga cash funds; automatic nga i-forfeit ang cash bond kon mapaslawan sa pag-remit sang PMRR sa ensakto nga oras; dapat ma-execute sang written undertaking ang AACs nga sundon ang ila mga obligasyon kag indi mag-institue sang anuman nga claims batuk sa gobyerno ukon mag-apply sang TRO ukon injunction sa diin man nga korte agud mapunggan ang gobyerno sa pag-exercise sang iya kinamatarung kag prerogatives; kag automatic nga iga-terminate ang STL agency agreement kon may violation sa ginplastar nga mga kondisyon.

Hunyo subong nga tuig sang ginsuspender sang presidente ang operasyon sang tanan nga PCSO games lakip ang Lotto bangud sa ginadudahan nga corruption.

Una na ginbawi ni Duterte ang suspension sa Lotto operations.