Depasahero nga jeep, nakabunggo sa puno sang lubi kag duha ka balay sa Tigbauan; driver kag pito ka pasahero, naospital

By: Aine Grace Bravo | August 24, 2019

via Aksyon Farrah Mae Morano

Guimbal, Iloilo — Gindala sa Guimbal District Hospital ang driver lakip na ang pito ka pasahero sang jeep nga nagabiyahe Igbaras-Iloilo City matapos nakabunggo sa puno sang lubi sa Brgy. Parara Sur, Tigbauan kaina sang hapon.

Suno kay Police Major Dennise Pamunag, hepe sang Tigbauan Police Station, halin sa Igbaras ang jeep nga ginamaneho ni Jonathan Esteral sang nadulaan siya sang kontrol sa manibela.

Nakabunggo ang jeep sa lubi sa kilid sang karsada antes nagdiretso sa duha ka balay. Partially damaged ang mga balay, pero wala sang may napilasan.

May mga bagras kag nagpanalakit ang lawas sang driver kag pito ka pasahero.