Wanted person nga may kaso nga murder, arestado sa Janiuay

By: JoMaque | August 25, 8:25am

Janiuay, Iloilo – Nadakpan ang wanted person nga may warrant of arrest sa kaso nga murder kag paglapas sa RA 10591 “COMPREHENSIVE FIREARMS AND AMMUNITION REGULATION ACT.”

Ginkilala ang arestado kay Pablo Acollador, 63 anyos sang Barangay Matag-ub, Janiuay.

Ginserbihan si Acollador sang warrant of arrest sang Janiuay police sa pagpanguna sang hepe nga si PCPT Dadje Delima, upod sa mga pulis halin sa Badiangan MPS kag taga-6th Regional Mobile Force Batallion.

Suno kay Delima, nagpalagyo pa si Acollador pero ila nga nalagas kag nadakpan.

Nakuha sa suspek ang isa ka 38 caliber revolver nga wala sang serial number kag may anum ka bala, kag siyam pa ka bala nga nasulod sa pouch.