11-anyos nga bata nga lalaki, ginbuno-patay sang iya amay sa Dingle nga gin-abot sang nerbiyos; Amay, nagbuno man sang kaugalinon
By: JoMaque | August 26, 2019, 8:55am
Dingle, Iloilo – Patay ang 11-anyos nga bata nga lalaki matapos ginbuno sang iya amay sa Nazuni, Dingle las-tres kahapon sang hapon, Agosto 25.
Ginhingagaw pa dala sa ospital si Alyas Jan-jan pero gindeklarar nga napatay sang doktor bangud sang patal nga pilas sa dughan.
Suno kay Police Chief Master Sergeant Alejandro Loretizo, imbestigador sang Dingle Municipal Police Station, gin-atake sang nerbyos ang amay nga si Alyas Athan antes ginbuno ang iya bata.
Gintuyo man nga bun-on sang suspek ang isa pa gid niya ka bata pero wala maigu.
Kasunod sini, ginbuno man ni Athan ang iya kaugalingon kag napilasan sa tiyan.
Naka-hospital arrest naman ang suspek kag ginahulat pa ang desisyon sang pamilya kon magapasaka sang kaso.